Зәйдә спортзаллар ничек эшли?
Яңа ел ялларын сәламәтлекне кайгыртып спорт белән шөгыльләнеп уздырырга теләгән кешеләргә Зәебездә мөмкинлекләр җитәрлек.
Спортзаллар эшчәнлеге турында мәгълүмат белән танышыгыз:
“Энергетик” Мәдәният сараендагы спортзалы һәм “Энергия” стадионы ялларсыз һәр көнне эшли. Теләгән кешеләр анда килеп шөгыльләнә ала.
“Спорт энергиясе” футбол манежы 31 декабрьдән 2 гыйнварга кадәр эшләми, ә калган ял көннәрендә иртәнге сәгать 10нан кичке 10га кадәр эшләячәк.
Чаңгы спортын сөючеләргә:
Ә Яңа шәһәр урманы буендагы чаңгы юлларында йөрергә теләүчеләр өчен чаңгы базасы инвентарьларны прокатка бирә. Ул инде 20 декабрьдән эшли башлады. Чаңгы базасының ял көне һәр дүшәмбедә. Ә сишәмбедән алып җомгага кадәр кичке сәгать 3тән 8гә кадәр эшли. Шимбә-якшәмбе, бәйрәм көннәрендә көндезге 10нан кичке 8гә кадәр инвентарьларны прокатка алып чаңгы шуарга мөмкин. Чаңгы трассасы исә 15:30 – 21:00 дә яктыртыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев