Зәй чаңгычылары район данын яклады

Спортчылар анда классик стильдә 3, 5, 7,5 км дистанцияләргә узыштылар. Зәйдән анда Федор Симашев исемендәге спорт мәктәбендә шөгыльләнүчеләр катнашты. Үз яшь категориясендә Вадим Бирюков, Софья Козенкова беренче урыннарны яуладылар. Азалия Тихонова икенче булды. Софья Пылаева — дүртенче, Данил Нехаев — алтынчы, Матвей Плешаков- тугызынчы булып гомумкоманда исәбенә очко җыйдылар. 30 спорт мәктәбе арасында зәйлеләр дүртенче гомумкоманда урыны алдылар.

Фотолар спорт идарәсеннән.