Көрәшчеләр җиңүләр яулады

Ярышларда Татарстаннан һәм Оренбург өлкәсенең 140тан артык спортчысы катнашты. Биредә «Зәй» спорт мәктәбендә тәрбияләнүчеләр яхшы нәтиҗәләр белән сөендерде. Үз үлчәү категориясендә Әбүбәкер Мугурбиев, Анатолий Минькин — беренче, Данил Хафизов, Данил Карпов — икенче, Әмир Хөснетдинов, Алексей Кузнецов — өченче урыннарны алдылар. Аларның тренеры Илнар Хәйруллин. Ә тренер Рамил Салихов шәкертләреннән үз үлчәүләрендә Шамил Газизов — беренче, Арсений Бутин, Динар Садреев — өченче урыннарга ирештеләр.