Иммунизация атналыгы бара

Әлеге профилактик чара 24 – 30 апрельдә «Иммунизациягә ясау безнең көчебездән килә» дигән лозунг астында Бөтендөнья иммунизация атналыгы кысаларында уза. Иммунизация авыр йогышлы авыруларны булдырмый калып, миллионлаган кешенең гомерен коткара.
 

— Пациентлар диспансеризациягә килгәндә, без планлы прививкалар булу-булмавын тикшерәбез. Әгәр алар юк икән — процедура кабинетына җибәрәбез, — дип аңлата медицина профилактикасы кабинетыннан медбрат Геннадий Умнов.

Агымдагы ел башыннан үзәк дәваханәдә этләр, йорт хайваннары тешләү буенча 19 очрак теркәлгән, зыян күрүчеләрнең 10сы-балалар. Ешрак мәчеләр тешли икән, андый 16 очрак билгеле, шуларның 4се-балалар.

— Әгәр сезне яки сезнең балагызны хайван тешләсә, шунда ук кабул итү бүлмәсенә мөрәҗәгать итәргә кирәк. Зыян күрүчеләргә рабикага каршы сыворотка эчертәләр һәм 6 прививкадан торган курс билгелиләр (3, 7, 14, 30 һәм 90 көнгә). Аларны калдырырга ярамый-югыйсә дәвалауны яңадан башларга туры киләчәк. Хәзер 38 кеше рабикага каршы терапия уза, шул исәптән 6 бала. Йорт эте булса да, ул урамда чир йоктырырга мөмкин. Шуңа күрә прививкаларны шунда ук башлыйбыз, —  дип аңлата травматолог-ортопед Руслан Хисмәтуллин.
 

— Әгәр хуҗа соңрак ветеринардан хайванның сәламәтлеге турында белешмә алып килсә, дәвалауны туктатырга мөмкин. Талпаннардан инфекция йоктырудан ничек сакланырга соң? Ел башыннан бирле дәваханәгә талпан тешләгән 27 кеше (21 өлкән һәм 6 бала) мөрәҗәгать итте. Талпанны һич кенә дә мөстәкыйль рәвештә тартып чыгарырга ярамый, ул өзелеп калырга мөмкин. Шуңа күрә медицина учреждениесенә мөрәҗәгать итәргә кирәк, -дип кисәтә хирургия бүлегенең стажер-табибы Ольга Абдрахимова.

Әгәр талпан боррелиоз яки Лайм авыруы таратучы булып чыкса, пациентка антибиотиклар курсы билгеләнә. Талпан тешләүне профилактикалау өчен ачык төстәге ябык кием кияргә (талпаннарны күрү җиңелрәк). Чәчләрне баш киеме астына җыярга. Репеллентлар кулланырга. Паркларда йөреп кайтканнан соң үзеңне һәм якыннарыңны карарга кирәк, диләр белгечләр.

 Талпан энцефалитыннан вакцинация алдан-талпан активлыгы сезоны башланганчы үткәрелә. Үзегезне һәм якыннарыгызны саклагыз! Вакытында ясалган вакцинация — сәламәтлек нигезе!