18 районда туберкулез буенча вазгыять борчулы
Татарстанның 18 муниципаль районында туберкулёз белән авыру күрсәткечләре уртача республика дәрәҗәсеннән югарырак, дип яза “Татар-информ” мәгълүмат агентлыгы.
Әлеге 18 район арасына Зәй районы да кергән. Моның сәбәпләре дип районда авыруны ачыклау буенча актив эш алып баруларын һәм моңа кадәр ачыкланмаган очракларның күп булуын атыйлар. Шул ук вакытта табиблар сүзләренчә, туберкулез белән авыручылар санына түгел, ә авыруның нинди стадиядә ачыклануына игътибар итәргә кирәк. Авыру күпчелек очракта башлангыч стадиядә ачыклана. Димәк, аны вакытында дәвалап, йогышлы сыйфатка күчүенә киртә куярга мөмкин.
фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев