Зәйдә махсус хәрби операциядә катнашучы гаиләсендә яңа туган балага сертификат тапшырылды
Көн темасы

Зәйдә махсус хәрби операциядә катнашучы гаиләсендә яңа туган балага сертификат тапшырылды

Ватаныбыз сагында торучы Зәй хәрбие һәм аның тормыш иптәше Надежда Безбрязовлар гаиләсендә шатлыклы вакыйга — кызлары туды.

Бүген кече фәннәр академиясендә гаиләне бала тууы белән район башлыгы Разиф Кәримов котлап, 100 мең сумлык сертификат тапшырды. Тантанада кыска вакытлы ялга кайткан хәрбиләр, район җитәкчелеге, волонтерлар катнашты.

— Районда махсус хәрби операциядә катнашучы ир-егетләр гаиләсендә 18 бала туды. Сезне гаиләгездәге иң мөһим вакыйга — бала тууы белән котлыйм. Сабый бәхетле бала булып үссен, сезгә ныклы сәламәтлек, иминлек, әтиегезнең исән-сау җиңү белән кайтуын телим, — диде чыгышында Разиф Галиевич.

Хәрби егете — яшь әти, яралану сәбәпле, бу көннәрдә туган якта тернәкләндерү курслары уза. Тиздән инде аның махсус хәрби операция зонасына китәр вакыты да җитә.

-Без кызыбызга Милана дип исем куштык. Әлбәттә, әтиебезнең безнең янга тизрәк җиңү белән исән-сау әйләнеп кайтуын телибез, — ди яшь әни Надежда.


Нет комментариев