Бакчада тәрбияләнүчеләр өчен мөһим вакыйга булды — алар «Юл хәрәкәте яшь ярдәмчеләре» (ЮПИД) отрядына кабул ителде.
Бу көнне балалар әзерләгән бәйрәм программасы бик бай эчтәлекле иде. Тәрбияләнүчеләр әти-әниләре алдында чыгыш ясап, юл йөрү кагыйдәләрен үтәүнең ни дәрәҗәдә мөһим булуын тагын бер кат искә төшерделәр. Яшь инспекторлар өлкәннәргә мөрәҗәгать итеп, машинада йөрткәндә куркынычсызлык каешларын эләктерергә, юлны бары тик тиешле урыннардан гына чыгарга һәм игътибарлы булырга чакырдылар.
Чараның иң дулкынландыргыч мизгеле — ЮПИД таныклыкларын тапшыру булды. Хәзер һәр яшь инспекторның мактаулы исеме генә түгел, ә юлда аның иминлеген тәэмин итүче мөһим атрибуты да бар. Балаларның киемнәренә яктылыкны кире кайтаручы элементлар (фликерлар) беркетелде. Алар караңгы вакытта балаларны машина йөртүчеләргә күрү мөмкинлеген арттырачак.
Бу чара балаларда юл йөрү кагыйдәләренә карата җаваплылык хисе тәрбияләү һәм аларда юлларда үз-үзеңне тоту культурасын формалаштыру максатында үткәрелде.
- фотолар «Юл куркынычсызлыгы» ДБУдан.
Нет комментариев