Мирный бистәсе балалары һәм яшүсмерләре белән юл йөрү кагыйдәләрен ныгыту буенча чара оештырылды

Алып баручылар балаларга һәм яшүсмерләргә юлда сак булырга, «зебра» аша чыкканда игътибарлы булырга кирәклеген искәрттеләр.

“Танып белү минутында чарада катнашучылар юл хәрәкәте кагыйдәләренең барлыкка килү тарихы, беренче светофор һәм юл билгеләре кайчан һәм кайда барлыкка килүе турында белделәр. Аннары балалар тематик уеннарда актив катнаштылар, ребуслар һәм табышмаклар чиштеләр, команда биремнәрен үтәделәр, конкурсларда ярыштылар, гади һәм катлаулы юл ситуацияләрендә дөрес чишелешләр таптылар”,  - ди чараны оештыручылар.

Менә шулай уен формасында балалар һәм яшүсмерләр транспортта, шәһәр урамнарында һәм юлларда үз-үзләрен тоту кагыйдәләрен ныгыттылар. Барлык катнашучылар да татлы призлар алдылар.