Зәй студентлары хәрбиләргә хат яздылар
Зәй политехник көллияте студентлары “Солдатка хат” Бөтенроссия хәрби-патриотик акциясенә кушылдылар.
Махсус хәрби операциядә катнашучы егетләребез туган яклардан һәрдаим җылы хәбәр көтәләр. Балалар, яшьләр тарафыннан язылган хатлар аларның күңелләренә аеруча җылылык өсти.
Студентлар татар теле, рус теле һәм әдәбияты укытучылары җитәкчелегендә хәрбиләргә хатлар яздылар. Хатларында алар Ватаныбыз иминлеген саклаучыларга рәхмәт белдерделәр, алар белән горулануларын, туган якка тизрәк исән-сау җиңү белән әйләнеп кайтуларын теләделәр һәм якынлашып килүче Яңа ел бәйрәме белән дә котладылар.
Ә хәрбиләр исә балалардан алган хатларны саклап кына куен кесәләрендә йөртүләрен әйтә.
Фотолар көллияттән.
Следите за самым важным и интересным в Telegram-каналеТатмедиа
Нет комментариев