Зәйдән унике егет армиягә китте

 12 егет Россия Кораллы көчләренә сафларын тулыландыра.

Егетләрне озатырга район башкарма комитеты җитәкчесе, хәрби чакырылыш комиссиясе рәисе Эмиль Галеев та килде.

«Зәй егетләре кайда да сынатмый. Яхшы хезмәт итеп, исән-сау туган төбәккә әйләнеп кайтыгыз», — диде ул егетләргә мөрәҗәгать итеп.

Район хәрби комиссары Айрат Әгъләмҗанов белдерүенчә, быелгы көзге чакырылышта Зәйдән 50ләп егет армияга китәчәк.

Соңгы төркемне озату декабрь урталарында булыр, дип планлаштырыла.