Зәйдә табибка кадәрге беренче ярдәм күрсәтү буенча мастер-класс узды

Инструкторлар һәм табиблар мастер-класста катнашучыларга ашыгыч ярдәм килгәнче кешене ничек коткарырга һәм авыруларны ничек дөрес карарга икәнлеге турында аңлаттылар. Өйрәнүчеләргә манекеннар ярдәмендә аңны югалтканда, кан киткәндә, инсульт, инфаркт, пешү, имгәнү булганда, бөҗәк яисә хайван тешләгәндә ничек ярдәм итәргә, аңын югалткан кешене ничек куркынычсыз итеп яны белән яткырырга һәм башка нәрсәләр турында сөйләделәр.

Уку чорында беренче ярдәм күрсәтүнең психологик яктан ярдәм итү методикасына да игътибар бирелә.

«Мастер-класста алынган күнекмәләр социаль хезмәт алучыларга киләчәктә стандарт булмаган ситуацияләрдә югалып калмаска ярдәм итәчәк», — ди социаль белгеч Валентина Каменская.

Фотолар «Радость» үзәгеннән.