Зәйдә исерекләр низагы пычак җәрәхәтләре белән тәмамланган

21 августта Зәй район үзәк дәваханәсенең авыруларны кабул итү бүлегенә ике ир-ат мөрәҗәгать иткән. Алар пычак белән җәрәхәтләнгән, исерек хәлдә була. Оператив-эзләү чаралары барышында район эчке эшләр бүлеге хезмәткәрләре тарафыннан әлеге җинаятьне кылуда гаепләнеп 39 яшьлек Зәй кешесе тоткарлана. Ул конфликт чыгып, исерек хәлдә ике зыян күрүчегә пычак белән кадаганлыгын аңлаткан.