Зәй ЗАГСында Волковлар гаиләсен хөрмәтләделәр

Надежда һәм Юрий Волковлар чирек гасыр мәхәббәт, тугрылыкта үрнәк гаилә булып яшиләр.

7 ноябрьдә алар көмеш туйларын билгеләп үттеләр. Нәкъ 25 ел элек кебек «яшьләр» Зәй ЗАГСына килеп, кул куйдылар, көмеш йөзекләр  алыштылар һәм вальс әйләнделәр.

    Тантанага  аларның балалары, якыннары да килгән иде. Көмеш юбилярлар   иң зур байлыгыбыз һәм бәхетебез - балаларыбыз, диләр.

 Тантаналы чарада Надежда Петровна белән Юрий Кузьмич  озын һәм бәхетле гаилә тормышының серен ачтылар. Зәй ЗАГС бүлеге башлыгы Гөлфия Вәлишина юбилярларга истәлекле бүләк тапшырып, алга таба да Зәебезнең шулай үрнәк, тату гаиләсе булып яшәүләрен теләде.

Фотолар район яшьләр эшләре идарәсеннән.