Зәй районы авылында өлкәннәрне Раштуа белән котладылар

 «Раштуа очрашулары» чарасы кысаларында мәдәният хезмәткәрләре Үтәшкин авылында яшәүче өлкәннәргә бәйрәм кәефе бүләк иттеләр.

7 гыйнварда Раштуа бәйрәмендә Якты Күл авылы мәдәният йорты хезмәткәрләре  җирлек башлыгы Зиннур Мөхтәров белән берлектә «Раштуа очрашулары» исемле адреслы котлаулар үткәрделәр. Алар күрше Үтәшкин авылына барып, анда яшәүче пенсионерларны һәм авыл халкын Яңа ел һәм Раштуа бәйрәме белән котладылар. 
"Шулай ук Үтәшкин авылы урамнары буйлап үтеп, урамда очраучыларга тәм-том һәм яхшы кәеф бүләк иттек", - ди мәдәният йорты директоры Татьяна Егорова.