Зәй музеенда «Ышаныч белән саклана: гаилә, мәхәббәт һәм тугрылык турында»  күргәзмәсе ачылды
Яңалыклар

Зәй музеенда «Ышаныч белән саклана: гаилә, мәхәббәт һәм тугрылык турында» күргәзмәсе ачылды

14 ноябрьдә Зәй туган як тарихын өйрәнү музеенда Татарстан Республикасы Милли музееннан килгән күргәзмә ачылды.

«Ышаныч белән саклана: гаилә, мәхәббәт һәм тугрылык турында» проекты төп рухи терәкләргә – гаилә кыйммәтләренә, тугрылыкка һәм якыннарың хакына батырлыкка багышланган.

Дүрт образ – бер тарих

Экспозиция дүрт тематик модуль тирәсендә корылган, һәрберсе үзенең изгелек һәм тугрылык йөзен ача. Беренчесе - Изге Анага, икенчесе - праведлар Захарий һәм Елизаветага, өченчесе -  патша-страстотерпецлар Николай II һәм Александра Федоровнага, ә дүртенчесе  кенәзләр Петр һәм Феврония Муромскийларга багышланган. 

Стендлар патша гаиләсенең көндәлекләреннән өзекләр, изгеләрнең тормышларыннан юллар һәм илнең алдынгы музей-тыюлыклары тәкъдим иткән визуаль материаллар белән тулыландырылган.

Соңгы император гаиләсенең тарихы – ул трагик үлем турында гына түгел, ә сынаулар алдында гаҗәеп мәхәббәт һәм бердәмлек үрнәге дә. Николай II һәм Александра Федоровна, аларның балалары – Ольга, Татьяна, Мария, Анастасия һәм Алексей 2000 елда Рус православие чиркәве тарафыннан патша-страстотерпецлар буларак канонизацияләнгәннәр. Бер-берләрен кайгыртып, иман белән үткәргән тормышлары, тышкы шартларның бернинди дә чын гаилә ныклыгын җимерә алмавының символына әйләнгән.

фото музейдан
фото музейдан

Мастер-класс һәм экскурсоводның тере сүзе

Рәсми өлештән соң музейның яшь кунаклары өчен мастер-класс уздырылды. Укучылар үзләренә якын кешеләргә открыткалар ясаудан бик канәгать калдылар. Ә Казаннан килгән экскурсовод тирән һәм кызыклы лекция укыды, анда тарихи фактлар һәм һәр чорда гаилә кыйммәтләренең кеше өчен ни өчен даими юнәлеш булып калуы уйлануга этәрде.
«Ышаныч белән саклана: гаилә, мәхәббәт һәм тугрылык турында» күргәзмәсе Зәй туган як тарихын өйрәнү музеенда ике атна  эшләячәк. Бу – күчмә проект һәм ул Татарстанның башка шәһәрләре һәм музейлары буенча үз юлын дәвам итәчәк.

Зәй музее Татарстан Республикасы Милли музеена мондый мөһим проектны кабул итү мөмкинлеге биргән өчен рәхмәт белдерә һәм үз залларында барлык кунакларны көтә.
 


Нет комментариев