Зәйнең “Россиядә эш” кадрлар үзәге махсус хәрби операция ветераннарына эшкә урнашырга, яңадан укырга һәм үз эшен ачарга ярдәм итә.
Махсус хәрби операциядә катнашучыларны һәм хәрби хәрәкәтләр ветераннарын тыныч тормышка тизрәк интеграцияләүнең мөһимлеген аңлап, район кадрлар үзәге хәрби комиссариат белән бергә вакансияләрне индивидуаль сайлап алуга һәм хәтта үз эшеңне ачуга кадәр төгәл система төзеде. 2025 елдан үзәк каршында «СВОда катнашучылар өчен эш» дип аталган махсуслаштырылган клуб эшли.
Махсус хәрби операциядән соң гадәти тормышка кайту – ул физик яктан гына түгел, ә психологик яктан да авыр, катлаулы процесс. Кичәге сугышчы алдында торган төп сорауларның берсе – яңа шартларда кайда һәм кем булып эшләргә? Зәйдә бу мәсьәләне кадр-лар үзәге системалы рәвештә хәл итә. Биредә СВОда катнашкан һәр зәйле мәшгульлек, укыту һәм психологик ярдәм мәсьәләләре буенча тулы спектрлы консультацияләр ала ала. Үзәктә ветераннарга ярдәмнең ничек оештырылуы турында без учреждение җитәкчесе Екатерина Анд-реева белән сөйләштек.
Вакансияләр индивидуаль сайлана
Кадрлар үзәгендә демобилизацияләнгән егетнең үзе мөрәҗәгать иткәнен көтмиләр, алар алдан эш итә.
«Без атна саен хәрби комиссариат белән яңа кайткан ветераннар буенча мәгълүматларны чагыштырып торабыз. Мин шәхсән үзем хәрби комиссариатка барып, яңа исемлекләрне алам», – ди Екатерина Андреева.
Хәрби хезмәткәр тыныч тормышка әйләнеп кайту белән тулы анкеталаштыру башлана. Белгечләрне барысы да кызыксындыра: сәламәтлек торышы, белеме, гаилә хәле, сәламәтлек буенча мөмкин булган чикләүләр, ә иң мөһиме – кеше махсус хәрби операциягә киткәнче эшләгәнме-юкмы.
Әгәр ветеран рәсми рәвештә эшкә урнашкан булса, белгечләр элекке эш бирүчегә мөрәҗәгать итәләр: планнарны ачыклыйлар, хезмәткәрне эшкә кайтару мөмкинлеген сорыйлар. Әгәр эш тәҗрибәсе булмаса яки элекке эш урынына кайту мөмкин булмаса, вакансияләрне индивидуаль сайлау кулланыла.
Монда ашыгулар урынсыз. Екатерина Валерьевна ассызыклаганча, эшкә кайту вакыт һәм тактика таләп итә.
«Тәҗрибәмнән чыгып әйтә алам: бу якынча өч-дүрт ай. Ветеранга тернәкләнүгә, дәвалануга, төрле чараларга вакыт кирәк. Һәм әлбәттә, психологик әзерлек. Шуңа күрә беренче анкетадан соң без пауза ясыйбыз, ә аннары яңадан бу кеше белән элемтәгә керәбез, аның эшкә керешергә әзерме-юкмы икәнлеген ачыклыйбыз һәм алдагы гамәлләр планын эшлибез».
Яңа һөнәрләр
Барлык ветераннар да элекке эш урынына кайта алмый яки теләми. Сәламәтлек торышы яки яңа тормыш шартлары һөнәрне алыштыру ихтыяҗын тудыра. Бу өлкәдә дәүләтнең укыту һәм яңадан һөнәр үзләштерүгә ярдәме зур.
«Без ветераннар белән аларны укыту, яңа һөнәр үзләштерү һәм квалификацияләрен күтәрү буенча актив эшлибез. Бүгенгә бу ярдәм чарасын өч кеше кулланды. Берсе “Д“ категорияле машина йөртүчегә укыды. Тагын бер кеше – погрузчик йөртүче, икенчесе экскаватор машинисты һөнәрен үзләштерә. БПЛА операторына да гариза бирелде – укулар сентябрьдә башланачак», –ди Екатерина Андреева.
Эшкә урнаштыру формалары төрле
Махсус хәрби операция ветераннарын тыныч тормышка уңышлы интеграцияләү өчен кадрлар үзәге барлык ветераннарның актуаль реестрын алып бара. Һәм бу эш инде конкрет нәтиҗәләр бирә.
«Ел башыннан безнең кадрлар үзәгенә махсус хәрби операциядә катнашкан дүрт ветеран мөрәҗәгать итте. Аларның барысы да эшкә урнаштырылды», – ди Екатерина Валерьевна.
Эшкә урнаштыру формалары төрле. Ветераннарның берсе эшмәкәрлек эшчәнлеген сайлаган: үзәк аша ул 145100 сум дәүләт ярдәме алып, үзмәшгуль буларак теркәлгән. Бүгенге көндә әлеге ир-ат мебель җитештерү һәм монтажлау өчен җиһазлар сатып ала.
Тагын өч кеше эшкә урнаштырылган. Аларның берсе – «Комплекс инженерных решений» ҖЧШ, икенчесе – электр челтәрләре предприятиесендә баш механик вазифасында, өченчесе «Регионстрой» ҖЧШда эшли.
«Узган ел мөрәҗәгать иткән 12 кешенең тугызы эшкә урнаштырылды. Апрель ахырына 62 ветеран кайтты. Аларның 45е – хезмәт эшчәнлегендә, тугызы – дәвалануда, алтысы эш эзли. Бу – даими көндәлек эш: без аларны күзәтеп торабыз, чараларга чакырабыз», – ди Екатерина Андреева.
Дәүләт ярдәме чаралары
Үзәк эш бирүчеләр белән тыгыз хезмәттәшлектә эшли. Эш бирүчеләр, гадәттә, дәүләт ярдәме чаралары һәм гамәлдәге программалар турында яхшы хәбәрдар, аларны кулланалар. Әмма билгеле бер катлаулылык бар: эш эзләүчеләргә карата таләпләр бик югары булу сәбәпле, алар бик үк камил түгел. Шуңа күрә ставка кече һәм урта бизнеска ясала.
«Күбрәк кече һәм урта эшкуарлык субъектлары ветераннарның ихтыяҗларына һәм тормыш шартларына эш урынын җиңелрәк ярак-лаштыралар. Бу аеруча инвалидлыгы яки билгеле бер чикләүләре булучыларга мөһим», – ди Екатерина Андреева.
Элемтәләрне урнаштыру өчен районда стандарт булмаган формат уйлап тапканнар: айга бер тапкыр кечкенә эшлекле иртәнге очрашулар үткәрелә. «Доминант Инфо» бизнесны үстерү үзәге белән бергә (җитәкчесе Елена Гайнетдинова) кече һәм урта бизнес вәкилләрен чакыралар.
«Без эшкуарларга дәүләт һәм дәүләтнеке булмаган ярдәм чаралары турында сөйлибез. Һәм мин шуны ассызыкларга телим: бизнесның төп мотивациясе – матди файда түгел. Күпләр хәтта ветераннарны эшкә урнаштыруның социаль әһәмиятен уйламыйлар да. Без моның бүген бик мөһим булуын, егетләргә эшкә урнашу зарурлыгын, бары тик акча өчен генә түгел, ә нормаль тормышка кайту өчен кирәклеген аңлаткан вакытта, алар уңай җавап бирәләр», – ди кадрлар үзәге җитәкчесе.
Белгечләр ветеранның эшен дәвам итүен, эштән китмәвен даими тикшереп торалар.
«Әгәр кешенең эштән китүен күрсәк, без аңа превентив рәвештә мөрәҗәгать итәбез һәм хезмәтләр тәкъдим итәбез: бу – яңадан укыту да, яңа эшкә урнаштыру да», – ди Екатерина Валерьевна.
фото мәшгульлек үзәгеннән
Нет комментариев