Уйнарбыз, җәйне каршы алырбыз!
Җәй - барлык балаларның иң яраткан вакыты. Җәй - ул ял, табигатькә походлар, пляжда күңел ачу. Бу каникуллар! Җәйнең беренче көнендә без Халыкара балаларны яклау көнен билгеләп үтәбез. Бу балалар өчен күңелле бәйрәм генә түгел, шулай ук балаларның мәхәббәткә, кайгыртуга һәм даими яклауга мохтаҗ булуын искә төшерү дә. Традиция буенча «Радость» комплекслы социаль хезмәт күрсәтү үзәгенең гаиләгә һәм балаларга социаль ярдәм бүлеге белгечләре тарафыннан «Уйнарбыз, җәйне каршы алырбыз!» дигән социаль-анимация чарасы оештырылды.
31 майда Ринат Фәрдиев исемендәге ял паркына социаль хезмәтләрдән файдаланучы балигъ булмаганнар чакырылды.
“Хәйрияче - аниматор Алесия Андреева үз төркеме белән безнең балалар өчен искиткеч бәйрәм оештырдылар. Әкият геройлары яхшылык һәм күңел ачуның кабатланмас атмосферасын тудырдылар. Яшь тамашачылар уеннарда һәм эстафетада бик теләп катнаштылар, күңел ачтылар, биеделәр. Күңел ачу программасы сюрприз белән тәмамланды - балаларга шарлар тараттылар”, - диләр социаль хезмәткәрләр.
Бәйрәм азагында балаларны Зәйнең адвокатлар коллегиясе коллективы тәм-томнар, туңдырма белән сөендерде.
Фотолар «Радость» комплекслы социаль хезмәт күрсәтү үзәгеннән.
Следите за самым важным и интересным в Telegram-каналеТатмедиа
Нет комментариев