Патент алган татар токымлы атларны популярлаштыру максатында Татарстаннан Алтайга 6 ат чаптырдылар.
3 мең километрдан арткан юлны атлы җайдаклар 38 көн эчендә үттеләр. Маршрут Россиянең сигез төбәгендәге 56 торак пункт аша узды, дип яза “Татар-информ” мәгълүмат агентлыгы. Атларның дүртесе - Лениногорск районының «Нәбиуллин С.Ф.» хуҗалыгыннан, ә икесе – Теләче районындагы «С.Ш.Гыйниятуллин исемендәге нәсел репродукторы»ннан.
Татар токымлы атлар август ахырында Алтай Республикасының Маймы районында «Алтай – Евразия йөрәге» дигән истәлекле билге янында финишка килде.
Фото "Татар-информ" мәгълүмат агентлыгыннан.
Нет комментариев