Сәвәләйдә туйлар гөрли
Сәвәләй авылында августның ике атнасында биш туй узды. Сәвәләй егетләре Зәй, Мөслим, Әлмәт, хәтта Башкортстаннан килен алып кайтты.
Август — туйлар ае. Җәйге муллыкның бәрәкәте туй табыннарына да күчә.
Яшь парлар белән таныштырып узабыз: алар — Андрей һәм Ксения Белышевлар, Виктор һәм Чулпания Смирновлар, Григорий һәм Татьяна Ефимовлар, Иван һәм Алина Черновлар, Иван һәм Карина Ефимовлар.
Әти-әниләр элеккедән калган йола, гореф-гадәтләргә туры китереп туй уздырды. Ә Башкорстаннан килен төшерү өчен иртәнге 6дан чыгып китеп, җиде сәгать барырга туры килгән. Шулай ук өйләнешүчеләр арасында махсус хәрби операция зонасында ил иминлеге сагында торучы егет тә бар.
Яшь парларга мәхәббәтләрен гомер буена саклап калуларын, гаилә бәхете, сәламәтлек телибез. Еллар тыныч булып, тигезлектә яшәргә язсын.
Фотолар яшь парларның шәхси архивыннан
Следите за самым важным и интересным в Telegram-каналеТатмедиа
Нет комментариев