«Кадрлар резервы»: карарлар кабул ителә торган урында булу мөмкинлеге

“Бу — актив һәм битараф булмаган яшьләр өчен бары тик күзәтеп кенә калмыйча, системаның бер өлеше булып, республика үсешенә йогынты ясау мөмкинлеге. Катнашучыларның яше — 18дән 33кә кадәр”, - дип хәбәр итәләр Зәй районы яшьләр эшләре идарәсеннән.

Барысы да ничек оештырылган: гариза биргәннән соң, кандидатларны сайлап алу этабы, аннары «Кадрлар резервы» программасы кысаларында уку көтә. Катнашучылар гамәли белем һәм күнекмәләр алачак, стажировка үтеп, дәүләт органнары эше белән ныклап таныша алачак. Финал этабы — яшьләр хөкүмәтенә сайлап алу.

Проект кемнәр өчен:

• республикада барган вакыйгалар белән чын күңелдән кызыксынучылар;

• вакыйгаларны читтән генә күзәтеп калмыйча, аларда катнашырга теләүчеләр;

• системада инде эшләүчеләрдән тәҗрибә алырга әзер булганнар;

• карарлар кабул итү процессларының ничек эшләвен аңларга омтылучылар.

Дәүләт хезмәте — ул һич күңелсез кабинетлар дигән сүз түгел. Бу — чын проектлар, җаваплылык һәм тирә-юньдәге тормышны яхшы якка үзгәртү мөмкинлеге.

Мөмкинлегегезне кулдан ычкындырмагыз — 15 октябрьгә кадәр сайтта гариза бирегез: https://vk.cc/d1PYwK