Кабан-Бастрыкта мәңгелек йортны җыештыруда авыл халкы һәм читтә яшәүче авылдашлары катнашты.
Зират – изге урын. Мәңгелек йортыбызны чистартып, тәртипкә китереп тору – һәрберебезнең изге бурычы. Мондый өмәләр Кабан-Бастрыкта еш уздырыла. Өмәдә авыл халкы да, читтән кайтучы авылдашлары да катнашты. Бергәләп зиратта үскән үләнне чабып, аны җыеп, чистартып куйдылар.
- Өмәдә катнашкан һәр кешегә рәхмәт, - ди Кабан-Бастрыкның Ак дәдәсе Илья Батаев.
Фотолар җирлектән
Нет комментариев