Илшат Әминов — «Дуслык» ордены иясе
Зәебездән Татарстан Дәүләт Советына сайланган депутат Илшат Әминов 60 яшьлек юбилее уңаеннан «Дуслык» ордены белән бүләкләнде.
«Татарстан — Яңа гасыр» телерадиокомпаниясе генераль директоры, Татарстан Журналистлар берлеге рәисе һәм ТР Дәүләт Советы депутаты Илшат Әминовка «Дуслык» ордены тапшырылды.
Шул хактагы указны Татарстан Рәисе Рөстәм Миңнеханов имзалаган. Документ республика җитәкчесе сайтында урнаштырылган.
Указ текстында әйтелгәнчә, Әминов «гаммәви мәгълүмат чараларын үстерүгә сизелерлек өлеш керткәне, күпьеллык нәтиҗәле хезмәте һәм актив иҗтимагый эшчәнлеге өчен» билгеләп үтелгән, дип яза «Татар-информ» мәгълүмат агентлыгы.
Депутатыбызны юбилее һәм зур дәүләт бүләге алуы белән котлыйбыз.
Следите за самым важным и интересным в Telegram-каналеТатмедиа
Нет комментариев