Ялларда якыннарыбызны бәрәңге тәкәсе белән сыйлыйбыз

Камыр әзерләү

Бер стакан суга түбәндәге ингредиентларны өстәп, камыр басабыз:

• 5–6 аш кашыгы үсемлек мае;
• яртышар чәй калагы шикәр комы һәм тоз;
• бераз көпшәкләндергеч (разрыхлитель);
• он — кирәк булганча.

Камырны басып, аннары полиэтилен пакетка салып, 30 минутка калдырабыз.

Эчлек әзерләү

Эчлек өчен:

• 7–8 эре бәрәңгене чистартып, вак шакмаклап турыйбыз;
• 2 эре суганны да шакмаклап турыйбыз яки блендерда ваклыйбыз;
• бәрәңге белән суганны бергә кушып, тоз һәм борыч өстәп болгатабыз.

• 

   

Тәкәләрне пешерү

Камырны якынча 50 граммлык кисәкләргә бүләбез (барлыгы 16–18 кисәк килеп чыга);

һәр кисәкне җәеп, өстенә эчлек салабыз;

тәкәләрне пергамент белән капланган табага тезеп, пешереп алабыз.

Тәкә пешкәч, аны урталай бүлеп, эченә эретелгән сыер мае (атланмай) салабыз һәм табынга чыгарабыз.

Тәмле булсын!