Ял көннәрендә Татарстан юлларында рейдлар узачак

ЮХИДИ инспекторлары юлларда кагыйдә бозучыларны аулаячак. 

Рейдлар юллардагы җитди кагыйдә бозу очракларын, шул исәптән, исерек килеш яки машина йөртү таныклыгыннан мәхрүм ителгән хәлдә рульгә утыручыларны ачыклау өчен оештырыла.

Моннан тыш каршы як полосага чыгу очракларын кисәтү дә күздә тотыла.

Дәүләт автоинспекциясе идарәсе юлларда сак булырга, юл кагыйдләрен төгәл үтәргә киңәш итә.

фото ТР ЮХИДИ идарәсеннән.