Быелгы февраль иң карлы ай буларак  тарихка кереп кала
Яңалыклар

Быелгы февраль иң карлы ай буларак тарихка кереп кала

Узган февраль Татарстанда метеокүзәтүләр тарихына иң карлысы буларак кереп калды. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.

«Февраль күзәтүләр тарихында явым-төшем күләме буенча супер-рекордлы булды. Февральдә явым-төшем 40-90 мм яисә айлык норманың 154-367 процентын тәшкил итте. Ягъни кайбер урыннарда 367 процент», - дип сөйләде ул.

Аның мәгълүматлары буенча февральдә иң күп явым-төшем көнбатыш районнарда булган. Яшел Үзән районында 99 мм явым-төшем булган. Арчада – 90 мм, Казанда – 89 мм, Лаешта – 82 мм теркәлгән.

«Бу күрсәткечләрнең барысы да нормадан шактый югары, икедән өч тапкырга кадәр», - дип өстәде Гоголь.

Тулаем алганда, кышкы өч айда да явым-төшем нормадан шактый артып китте. Декабрьдә республикада айлык норманың 75-160 проценты яуган, гыйнварда – айлык явым-төшем нормасының 128-222 проценты.

Чыганак: Татар-информ. 


Нет комментариев