Бу хакта ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Нагуманова сөйләде дип яза Татар-информ.
Татарстанда 2027 елда «Безнең ишегалды» республика программасын әзерләүгә керешкәннәр. Киңәшмәне Татарстан Рәисе Рөстәм Миңнеханов үткәрде.
Быел ишегалды территорияләрен кабул итү буенча сәяхәтләр тулысынча төгәлләнгән. Йомгаклар буенча 560 ишегалды территориясенең 494е кабул ителгән.
Ун муниципаль районда кабул итү эшләре тулысынча башкарылган. Казан шәһәрендә, Лениногорск һәм Чистай районнарында ачыкланган 86 кисәтүне бетерү таләп ителә. Эш бу ай ахырына кадәр тәмамланырга тиеш.
Киләсе ел программасына 4 муниципаль берәмлектә 240 ишегалды территориясе кертелгән: Казан шәһәре, Яшел Үзән, Лениногорск һәм Түбән Кама районнары. Калган барлык муниципалитетлар «Безнең ишегалды» программасын төгәлләгәннәр.
Нет комментариев