Якты Күлдә хәрби егет белән очрашу булды

Якты Күл авылы клубында окоп шәмнәре ясыйлар, маскировка челтәрләре үрәләр, шулай ук авыл халкы хәрбиләргә гуманитар ярдәм җыю буенча да актив эш алып бара.

Хәрби егет маскировка үрүче хатын-кызлар янында булып, аларга игелекле, кирәкле эшләре өчен рәхмәт белдерде. Ул туган яктан ярдәмнең алар өчен кадерле, кыйммәтле булуын да ассызыклады. Хәрби егет контракт буенча илебез сагына баскан. Бүгенге көндә яралану сәбәпле, туган ягында тернәкләнү курслары уза.

Очрашуда катнашучылар хәрби егеткә сораулар да бирделәр. Эчкерсез үзара сөйләшү булды. Ә апалар, авылдашлары аның, барлык егетләребезнең исән-сау җиңү белән әйләнеп кайтуын теләп озатып калдылар.

фото авыл мәдәният йортыннан.