Зәйдә көзге бодай уңышы бер гектардан уртача 54,2 центнер чыга
Зәй районы аграрийлары урак чорында һәр аяз көннең кадерен белеп, югалтуларсыз эшләүгә йөз тота. Район авыл хуҗалыгы идарәсеннән алынган мәгълүмат буенча бүгенге көнгә барлыгы 890 гектарда көзге бодай урып-суктырылган.
Җыелган ашлык 4824 тонна белән исәпләнә. Бер гектардан уртача уңыш 54,2 центнерны тәшкил итә.
“Механизатор-комбайнчыларыбыз мул уңышны мөмкин кадәр югалтуларсыз җыйнау өчен тырышып эшли. Аларга эш күләменә карап кызыксындыру чаралары булачак, хәзер һәркемнән намуслы хезмәт сорала”, - диде авыл хуҗалыгы идарәсе башлыгы Фәргать Камалиев.
Бүгенге көнгә агрофирмалар арасында иң күп ашлык урып-суктыручы “Зәй шикәре” агрофирмасы игенчеләре, комбайнчылар 500 гектар тирәсе уңышны җыйнады инде. Алар бер гектардан уртача 54 центнер уңыш ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев