Зәйдә авыл хуҗалыгы ярминкәләрендә җимеш агачлары да сатыла башлады

Шәһәр халкы гадәттәге азык-төлекләр алудан тыш, бакча сезонына әзерләнә башлады.

Бу юлы ассортимент төрлелеге белән шатландырды. Классик ит һәм сөт ризыклары, йомырка, кондитер ризыклары, хуш исле бал һәм киптерелгән җимешләрдән тыш, фермерлар ярминкәгә "язгы товар" – җимеш агачлары үсентеләрен дә алып чыктылар.

Сәүдә бик җанлы барды. 11 апрельдә сатылган продукциянең гомуми авырлыгы 3,5 тонна тәшкил итте. Акчалата исәпләгәндә, товар әйләнеше 487 мең сумга җитте.

Сезон башыннан бирле ярминкәләрдә барлыгы 51 тонна продукция сатылган.

Оештыручылар һәм сатучылар мондый чаралар зәйлеләргә арадашчыларсыз табигый продуктлар сатып алырга мөмкинлек бирүен билгеләп үтәләр.

фото: редакция архивыннан