Зәй районында язгы чәчүгә әзерлек барышы карала

Алар бергәләп терлекчелек эшләренең торышы һәм тракторларны һәм авыл хуҗалыгы машиналарын ремонтлау барышы, шулай ук җитештерү комплексларында минераль ашламалар саклау белән танышты.

Бүгенге көндә район аграрийлары тарафыннан 1 гектар чәчүлек мәйданына 82 килограммнан артык исәп күләмендә ашлама тупланган. Дүрт-Мунча, Куш-Елга, Чыбыклы сөт комплексларында һәм Сарсаз-Баграж фермасында терлекләрнең кышлау барышы да күзәтелде. Анда азык рационы, аксымлы тукландыру, рационнар төрләре буенча әзер азык составы белән таныштылар. Барлык эшләр дә зооветеринария таләпләренә туры китереп алып барыла.

Шулай ук агрофирмаларның ремонт остаханәләрендә һәм "Агросила-Сервис«АҖнең махсуслаштырылган предприятиеләрендә ремонт барышы да каралды. Техниканы төзекләндерү  97 процентта башкарылган. Агрофирмаларда агрегатларны комплектлау һәм көйләү бара.

Район башлыгы механизаторлар һәм белгечләр алдына чәчү агрегатларының бөтен комплексын 1 апрельгә соңгы кабул итү өчен әзерләү бурычын куйды. Кабул итү вакытында барлык механизаторлар «Сабантуй-2024» тә матди стимуллаштыру чаралары, хезмәт хакы, куркынычсызлык техникасы һәм хезмәтне саклау таләпләре белән танышачак.