Зәйдә ир-атлар командалары арасында волейбол буенча турнир узды

Бу спорт вакыйгасы «Россия Спорт» дәүләт программасы кысаларында оештырылды, ул сәламәт яшәү рәвешенә ярдәм итүгә һәм яшьләр арасында спортны популярлаштыруга юнәлдерелде. Иң яхшылар исеме өчен 4 команда: Зәйдән 2 команда, шулай ук Теләче һәм Түбән Уратма авылларыннан командалар көч сынашты.

Уеннар барышында  Зәйнең  яшь волейболчылары, оста алымнары белән тәҗрибәле уенчыларга лаеклы җавап бирделәр. Һәр команда җиңүгә омтылды, төрле тактик алымнарны кулланып һәм искиткеч физик әзерлекне күрсәттеләр.

Зәй һәм Теләче командалары арасындагы финал матчы турнирның чын бизәге булды. Нәтиҗәдә, Зәй командасы, чемпион исемен яулады. 2 урынны Теләче авылы командасы алды, 3 урында –   Түбән Уратма авылы командасы.

«Башта ук барлык катнашучыларны берләштергән команда рухы сизелде. Һәр матч хис-кичерешләр һәм киеренкелек белән тулы иде, әмма иң мөһиме – барысы да бер-берсенә ярдәм итте», - дип уртаклашты турнирда катнашучыларның берсе  Даниил Сурков.

Турнир чираттагы тапкыр җәмгыять тормышында спортның әһәмиятен раслады, халыкның сәламәтлеген ныгытуга һәм спорт рухын үстерүгә ярдәм итте.

фото спорт идарәсеннән