Зәй хоккейчылары җиңү артыннан җиңү яулый

20 гыйнварда Әлмәттә  2013 елда туганнар җыелган Зәйнең “Яшьлек” командасы җирле  “Нефтяник” белән очрашты. Уен ”Яшьлек” командасы файдасына  2:5 исәбе белән тәмамланды. Команданың тренеры – Дмитрий Кривенко.

21 гыйнварда 2015 елда туганнар командалары уеннары Кама Аланы шәһәрендә үтте. Анда җирле  «Олимпия» безнең «Яшьлек»не кабул итте. Нәтиҗәдә безнең хоккейчылар көндәшләрен  0:9 исәбе белән тар-мар итте.  Команданың тренеры – Айнур Хөснетдинов.

23 гыйнварда әлеге команда Чаллыда  «Чаллы - 2015» уенчылары белән очрашты. Анда да яшьлеклеләр көндәшләрен 2:3 исәбе белән җиңде. 

25 гыйнварда Бөгелмәдә 2014 елда туганнардан җыелган  «Арслан»  белән  Зәй шәһәренең «Яшьлек» командалары көч сынашты. Биредә дә безнекеләр 1:3 исәбе белән җиңүгә ирештеләр. Команданың тренеры – Дмитрий Кривенко.

фото: спорт идарәсеннән