Хоккейчылар булдыра

25 февральдә Лениногорск шәһәрендә 2014 елда туганнар командалары арасындагы республика беренчелеге ярышларының календарь уеннары үтте. Анда Зәйнең “Яшьлек” хоккейчылары җирле команданы 2гә 3 исәбе белән җиңде. 

27-28 февральдә Зәйнең  "Давыдов Арена" спорт комплексында 2017-2018 елларда туган командалар арасында хәрби хәрәкәтләр ветераннары истәлегенә багышланган хоккей буенча турнир узды. Турнирда  Түбән Каманың "Ак Барс - Танеко", Чаллының "Чаллы-1", "Чаллы-2", Уфаның “Азаматов исемендәге мәктәп”, Зәйнең "Яшьлек" командалары көч сынашты.

Нәтиҗәдә  1 урынны - Чаллы шәһәренең "Чаллы -1", 2 урынны - Түбән Кама шәһәренең "Ак Барс-Танеко", 3 урынны - Зәй шәһәренең "Яшьлек" командасы яулады.

Турнирның иң яхшы бомбардиры-Клепиков Матвей ("Яшьлек") 
Турнирның иң яхшы ассистенты Марат Галләмов ("Ак Барс-Танеко") 
Турнирның иң яхшы сакчысы Фомин Амин ("Азаматов исемендәге мәктәп").

фото: спорт идарәсеннән