Зәйдә Халыкара хатын-кызлар көненә багышланган төрле спорт чаралары үтте.
6 мартта Зәйнең 1нче мәктәбе спорт залында стритбол буенча ярышлар үтте. Анда «Барс» спорт мәктәбендә шөгыльләнүче кызлар командалары көч сынашты. Тренер – Иван Волков.
Шул ук көнне «Спорт энергиясе» футбол манежында «Футбол» бүлеге тәрбияләнүчеләрнең әниләре футбол турнирында катнаштылар. Уеннарны тренер Илшат Халиков оештырды.
Ә боз сараенда фигуралы шуу осталары «Волшебство льда» дип аталган күрсәтмә чыгышлар ясадылар.
7 мартта бозда “Әни һәм мин” дип исемләнгән күңелле стартлар үтте. Анда иң кечкенә хоккейстлар әниләре белән бергәләп ярышты.
фото: спорт идарәсеннән
Нет комментариев