Зәй юлларында «Каршы як полоса» профилактик операциясе бара
Юл иминлеген кайгырту максатында 30 гыйнвардан 8 февральгә кадәр Татарстан Республикасы территориясендә «Каршы як полоса» дип аталган профилактик операция үткәрелә.
Зәй районы автоинспекциясе хезмәткәрләре дә аның кысаларында юл кагыйдәсен бозып каршы як полосага чыгып хәрәкәт итүче машина йөртүчеләргә катгый булачак.
Дәүләт автоинспекциясенең Зәй бүлекчәсе башлыгы Рамил Гарифуллин хәбәр иткәнчә, 2024 елда Зәй муниципаль районы территориясендә каршы як хәрәкәт полосасына чыккан өчен 115 машина йөртүче административ җаваплылыкка тартылган. 2025 елның бер ае эчендә әлеге төр хокук бозу өчен 15 машина йөртүче җәлеп ителгән, юл-транспорт һәлакәтендә 1 кеше һәлак булган һәм 4 кеше яраланган.
«Без — дәүләт автоинспекциясе хезмәткәрләре юл хәрәкәтендә катнашучыларга юл йөрү кагыйдәләрен тайпылышсыз үтәргә киңәш итәбез, бу юл фаҗигаләрен булдырмауда иң төп таләп. Һәм һичшиксез сезнең тормышыгызны саклап калачак!», — ди Рамил Гарифуллин.
Следите за самым важным и интересным в Telegram-каналеТатмедиа
Нет комментариев