«Уймак кыз» бакчасында юл иминлегенә багышланган чара үтте

«Уймак кыз» балалар бакчасында Зәй инспекторлары һәм ата-аналар патруле катнашында юл куркынычсызлыгына багышланган чара узды. 

Чара балаларның юл йөрү кагыйдәләре турындагы белемнәрен ныгыту, яктылык кайтаручы элементлар куллану кирәклеге турында искәртү, ата-аналарның игътибарын юл-транспорт травматизмын профилактикалау мәсьәләсенә җәлеп итүне максат итеп куйды.

Кечкенәләр җәяүлеләргә һәм машина йөртүчеләргә белешмәлекләр таратты. Ата-аналар исә балаларга сәламәтлекне саклау өчен куркынычсызлык кагыйдәләрен үтәргә кирәклеген аңлатты.

-Бала гаилә әгъзаларыннан һәм башка өлкәннәрдән үрнәк алып, юл законнарына өйрәнә. Бигрәк тә әти һәм әни үрнәге сезнең баланы гына түгел, ә башка ата-аналарны да юлда тәртипле тотарга өйрәтә,- диде «Юл хәрәкәте иминлеге» ДБУнең Зәй бүлекчәсе башлыгы Вадим Иванов.