«Тоннель» операциясе юл кагыйдәләре бозучыларны ачыклады
Зәйнең Дәүләт автоинспекциясе хезмәткәрләре хәрәкәт итүче транспорт чараларын, җәяүлеләрне туктатып тикшерде. Нәтиҗәдә алты кагыйдә бозуга чик куелды.
25 июнь иртәсендә Зәй юлында "Тоннель" операциясе узды. Тикшерү барышында юл хәрәкәте кагыйдәләрен бозучылар административ җаваплылыкка тартылды. Куркынычсызлык каешын эләктермәгән ике машина йөртүче тоткарланды. Тагын икесенең ОСАГО иминият полисы булмаган. Автомобиль тәрәзәләрен кагыйдә бозып караңгылаткан өчен бер шоферны туктатканнар. Каршы як полосага чыгып хәрәкәт иткән бер машина йөртүче дә тоткарланган. Кагыйдә бозучыларга карата беркетмәләр төзелде.
фотолар район дәүләт автоинспекциясеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев