Татарстанда балигъ булмаганнарның юл хәрәкәте кагыйдәләрен бозуларын кисәтү чараларын көчәйтәчәкләр

Узган елның шушы чоры белән чагыштырганда юл-транспорт һәлакәтләре саны 27 фактка һәм яраланган балалар саны 27 кешегә арткан.

Авариялелекнең төп күрсәткечләре:

-барлык һәлакәтләрнең 48% ы җәяүле балалар катнашында булган;

-велосипедта йөрүче балалар катнашында 30 юл-транспорт һәлакәте һәм механик транспорт чараларында хәрәкәт итүче  балигъ булмаганнар катнашында 11 юл-транспорт һәлакәте теркәлгән;

-юл-транспорт һәлакәтләренең 68 очрагы балаларның  саксызлыгы аркасында килеп чыккан.

Балалар катнашындагы аварияләр арту сәбәпле, агымдагы елның 1-10 августында Татарстанда «Балалар юлларда!» оператив-профилактик чарасы үткәреләчәк.

Операциянең төп бурычлары:

-балалар һәм яшүсмерләр тарафыннан юл хәрәкәте кагыйдәләрен бозуларны кисәтү;

-балигъ булмаганнарның юл хәрәкәте кагыйдәләрен үтәвенә контрольне көчәйтү;
-юл хәрәкәте кагыйдәләрен бозуларны профилактикалау буенча профилактик чаралар үткәрүне активлаштыру. 

атарстан Республикасы буенча Дәүләт автоинспекциясе барлык юл хәрәкәтендә катнашучыларны уяу булырга һәм юл хәрәкәте кагыйдәләрен үтәргә чакыра.