Шоферлар игътибарына: Зәйдә «Каршы як полоса» операциясе бара
Күңелсез хәлләрне кисәтү максатыннан профилактик чара 31нче августка кадәр бара.
Юл-транспорт һәлакәтләренең иң еш очрагы – ул каршы як хәрәкәт юлына чыгып бәрелешүләр, ди белгечләр.
- Узып китү кагыйдәләрен бозган өчен 7500 сум күләмендә штраф яки 6 айга кадәр транспорт белән идарә итү хокукыннан мәхрүм итү каралган. Әлеге кагыйдәне кабат бозган очракта йөрү таныклыгын 1 елга алалар. Әгәр бу кагыйдәне машина йөртү хокукыннан тыелган яки хөкемгә тартылган кеше бозса, 3 елга кадәр иректән мәхрүм итү яный, -ди район дәүләт автоинспекциясе башлыгы Рамил Гарифуллин.
Дәүләт автоинспекциясе юл хәрәкәтендә катнашучыларны юл йөрү кагыйдәләрен төгәл үтәргә чакыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев