Район Дәүләт автоинспекциясе башлыгы кисәтә: штрафларны вакытында түләгез

Гыйнвардан башлап РФ Административ хокук бозулар кодексының 20.25 маддәсе буенча 42 машина йөртүче җаваплылыкка тартылган. Аларның уникесе, җәмәгать суды карары буенча,  кулга алынган. Өчесе җәмәгать эшләренә җибәрелгән.  Суд приставлары белән берлектә  тагын дүрт автомобиль тоткарланган. 

Исегезгә төшерәбез, закон буенча  штрафны түләү тәртибе һәм сроклары билгеләнгән: хокук бозучыга карарны шикаять итү өчен 10 көн бирелә. Аннары, закон көченә кергәннән соң, тагын ике ай өстәлә. Әмма кайбер машина йөртүчеләр  штрафларын түләргә ашыкмыйлар. Аларны шактый зур суммаларга, 5, 10, 50 мең сумга кадәр туплаучылары  бар. 

Суд карары белән икеләтә күләмдә штраф та, 15 тәүлеккә кадәр административ кулга алу да булырга мөмкин.  Штрафларнны озакка сузмагыз, эшне судка кадәр җиткермәгез!",- дип мөрәҗәгать итә Дәүләт автоинспекциясенең Зәй бүлекчәсе башлыгы Рамил Гарифуллин.