Нәниләр юл йөрү кагыйдәләрен өйрәнәләр

“Юл куркынычсызлыгы” фонды башлыгы Вадим Иванов балаларга юл кагыйдәләрен үтәүнең кирәклеген аңлатты.

Бакчага шаян Зебра да килгән иде. Зебра белән бергәләп  юл кагыйдәләрен өйрәнү тагын кызыграк һәм истә калырлык булды. 

Уен формасында балалар юлны ничек дөрес чыгарга, яктылык кайтаручы элементларның  ни өчен кирәклеген һәм велосипедчыларга юл йөрү кагыйдәләрен үтәүнең  мөһим булуын искә төшерделәр.

Табышмакларга җаваплар таптылар, эстафеталарда катнаштылар, хәтта истәлекле бүләкләр дә алдылар. Хәзер яшь җәяүлеләр һәм булачак машина йөртүчеләр яхшы белә — юлда куркынычсызлык һәркемнән тора! 

фотолар “Юл куркынычсызлыгы” фондыннан