«Минем ишегалды лагере»на йөрүчеләр юл иминлеге хакында сөйләштеләр

"Юлларда балалар» оператив - профилактик чарасы кысаларында "Юл куркынычсызлыгы" учреждениесе белгечләре "Минем ишегалды лагере"на йөрүчеләр  белән очрашты. Балаларның юл-транспорт травматизмын кисәтү турында сөйләштеләр. 
Бергәләп юл кагыйдәләренә багышланган викторина сорауларына җаваплар эзләделәр. Шул темага плакат ясау буенча осталыкларын сынадылар. Бүләккә яктылыкны кире кайтара торган элементлар тапшырылды.
Белгечләр балаларны юлларда, самокат, скутер кебек транспортларда йөргәндә игътибарлы булырга чакырдылар.