Инспекторлар куркынычсызлык каешларына игътибарны арттыралар
21 гыйнвардан 19 февральгә кадәр Татарстан юлларында “Куркынычсызлык каешы” операциясе уза.
Бу чорда инспекторлар машина йөртүчеләрнең, пассажирларның транспортта каешны эләктерү-эләктермәвенә игътибар итәләр. Чөнки иминек каешларын тагып йөрү юл һәлакәтләре вакытында имгәнүләр алуны гына түгел, үлем очракларын да киметә. Алгы утыргыч пассажирын 50 %ка, артта утыручыларны 25% ка имгәнүдән саклый, дип хәбәр итә юл сагы хезмәткәрләре. Куркынычсызлык каешын эләктерү бәрелгән вакытта исән калу мөмкинлеген биш тапкырга арттыра.
Дәүләт автоинспекциясе хезмәткәрләре автомобильчеләргә юл йөрү кагыйдәләрен төгәл үтәргә, игътибарлы һәм сак булырга чакыра.
Следите за самым важным и интересным в Telegram-каналеТатмедиа
Нет комментариев