Карман авылында «Бердәмлектә — көч» акциясе уза

Карманда махсус хәрби операциядә катнашучы хәрбиләргә ярдәм итү буенча зур эш алып барыла. Биредә маскировка челтәрләре үрәләр, окоп шәмнәре ясыйлар, гуманитар ярдәм җыялар.

Акция кысаларында махсус хәрби операциядә катнашучы якташларыбызга ярдәм итү өчен төрле кирәк-яраклар, тиз пешә торган аш ясау өчен продукция җыела, окоп шәмнәре ясау өчен парафин алына, маскировка челтәрләре үреп җибәрелә. Күпләр финанслата ярдәм итә. Гуманитар ярдәм авыл клубында җыела.

Карманлылар шундый вакытта битараф булмыйча, җиңүгә үз өлешләрен кертә.

Фотолар авыл клубыннан.