Якты Күлдә махсус хәрби операция зонасына җибәрү өчен ике урында маскировка челтәрләре үрәләр.
Авылның игелекле йөрәкле апалары мәдәният йортына җыелып, инде 9 ай изге эш башкаралар. Алар шушы вакыт эчендә 140 челтәр үрделәр. Ә Разия Шибаева үз йортында маскировка челтәрләре үрүгә алынды.
Маскировка челтәре үрү — бик җентекле эш, аның һәр тасмасы егетләребезне сакласын иде дип изге теләкләр, догалар әйтеп үрелә.
«Бүгенге көндә безнең дә кулыбыздан килгәнне эшләү — намус эше. Башкалар да безгә кушылсын иде», — ди челтәр үрүче волонтерлар.
Нет комментариев