Зәйдә «Өченче буын университеты»нда яңа курс старт алды

Бер үк вакытта смартфоннарны үзләштерүгә багышланган «Бөтен дөнья — кесәдә» дигән яңа белем бирү курслары да башланды.

Нәрсә өйрәнәчәкләр пенсионерлар?

Беренче дәрестә «көмеш» яшьтәге тыңлаучылар уку программасы һәм укытучылар белән танышты. «Бөтен дөнья — кесәдә» курсында төп игътибар цифрлы технологияләрне практик куллануга юнәлдерелгән: пенсионерлар якыннары белән элемтә тудыру өчен мессенджерларны кулланырга, «Дәүләт хезмәтләре» порталын үзләштерергә, өйдән чыкмыйча гына  коммуналь хезмәтләр өчен түләргә һәм, әлбәттә, социаль челтәрләрдә эшләргә өйрәнәчәкләр.

— Без заманча технологияләрнең өлкән буынны куркытмавын, ә аңа ышанычлы һәм мөстәкыйль тоелырга ярдәм итүен телибез. Смартфон — нәкъ менә бөтен дөнья һәм ул хәзер һәркемгә ачык, — диде дәрес укытучысы.

Әлеге курс — зур юлның башлангычы гына. Алда — мобиль кушымталарны өйрәнү, челтәрдә иминлек һәм бик күп файдалы темалар. Укырга беркайчан да  соң түгел. Мондый яңа белемләр өлкән буынны заманча тормышка җәлеп итүгә ярдәм итә.

• Фото клиентлар үзәгеннән.