Епископ Мефодий Зәйдә чиркәү төзелеше барышы белән танышты

Сәфәр барышында епископ Зәй районы башлыгы урынбасары Петр Уразайкин белән очрашты. Очрашуда шулай ук Зәй округы благочинные иерей Родион Садыков та катнашты.

Очрашуның төп темасы  Изге Макарий хөрмәтенә храм төзелешенең барышы булды. Киңәшмәдә катнашучылар эшләрнең бүгенге этабы белән таныштылар һәм проектны гамәлгә ашыру буенча алдагы адымнарны тикшерделәр.

Бүгенге көнгә төзүчеләр төп этапларның берсен төгәлләделәр: чиркәүнең диварлары күтәрелде. Хәзер белгечләр монолит япманы монтажлауга керештеләр. Бу —  алдагы эшләр өчен нигез булып торучы мөһим конструктив этап.

Визит барышында янәшәдәге территорияне төзекләндерүгә дә аерым игътибар бирелде. Владыка Мефодий очрашуда катнашучылар белән храм тирәсендәге мәйданны төзекләндерү планнарын тикшерде — ул архитектура доминантасы гына түгел, ә чиркәүгә йөрүчеләр өчен уңайлы урын да булырга тиеш.

• Фотолар Әлмәт епархиясеннән.