Зәйнең яшь көрәшчесе Идел буе федераль округы спартакиадасында бронза призер булды

22-23 июньдә Оренбург шәһәрендә 16 яшькә кадәрге егетләр һәм кызлар арасында спорт көрәше буенча Идел буе федераль округы укучылары спартакиадасы узды.

 Ярышларда «Зәй» спорт мәктәбе укучылары катнашты. Гомуми команда зачетында Татарстан Республикасы җыелма командасы яшүсмерләр арасында икенче урынны алды. Шулардан үз  авырлык категориясендә безнең Әмир Хөснетдинов бронза призер булды (тренер-укытучысы Илнар Хәйруллин), Айза Әгъләмова дүртенче урынны яулады (тренер-укытучысы Равил Салихов). Кызлар арасында гомуми команда зачетында Татарстан Республикасы җыелма командасы өченче урынны алды.

Фото спорт идарәсеннән.