Зәйдә балаларга җәйне куркынычсыз үткәрү турында сөйләделәр

Сөйләшү темасы очраклы гына сайланмады, сүз ташландык биналарда һәм объектларда булу куркынычы турында барды.

Билбау көрәше буенча тренер Регина Салихова һәм көрәш буенча тренер Айрат  Минһаҗев балаларга уеннар һәм маҗаралар өчен кызыклы булып күренгән мондый урыннарның чынлыкта ни өчен җитди куркынычлар яшеренүен аңлаттылар. Куркынычсызлыкның төп кагыйдәләре яңгырады, аларны күңелсезлекләрдән саклану өчен һәркем белергә тиешлеге әйтелде. Тренерлар үз сәламәтлегеңне һәм тормышыңны куркыныч астына кую урынына, шатлык һәм файда китерә торган кызыклы һәм куркынычсыз шөгыльләр табу яхшырак, дип ассызыклап спортка тартылырга өндәделәр.

фотолар спорт идарәсеннән