Зәйдә балалар бакчаларында тәрбияләнүчеләр арасында иң яхшы яшь велосипедчыларны ачыкладылар

Спорт бәйрәмендә алты балалар бакчасы командалары катнашты. Яшь булуларына карамастан, стартта алар ышаныч, җиңүгә омтылыш һәм яхшы әзерлек күрсәттеләр, ә җанатарлар спортчыларга көчле алкышлар белән көч биреп тордылар.
Ярышлар команда һәм индивидуаль ярышларны үз эченә алды. Команда зачетында “Салават күпере” балалар бакчасы командасы иң яхшысы булды. Икенче урынны “Урман әкияте”  балалар бакчасында тәрбияләнүчеләр яулады, өченче урынга  “Кыңгырау чәчәк” балалар бакчасы командасы иреште.
Шәхси беренчелектә көрәш бик киеренке булды. Малайлар арасында Ярослав Казаков җиңүче булды. Икенчедә -  Эмиль Хөснетдинов, өченчедә - Егор Вяткин һәм Радмир Төхвәтуллин.
Кызлар арасында иң яхшы нәтиҗәне Ксения Куприянова күрсәтте. Икенче урынны Илмира Хәлиуллина, өченче урынны Алинә Курамшинина алды.
Ярышлар “Татарстанда җәй”  республика проекты кысаларында узды, ул балалар һәм яшүсмерләр өчен актив ял итү сезонын ачты. Бәйрәм күңелле сюрприз белән тәмамланды — барлык катнашучыларга да туңдырма бирелде. Татлы сый спорт казанышларына бик яхшы өстәмә булды һәм көтеп алынган җәйнең беренче көнендә балаларга тагын да яхшырак кәеф бүләк итте.